السبت، 2 ديسمبر 2017
الجمعة، 1 ديسمبر 2017
ڤیستەڤالا ئێكێ یا "دانیكا" ل بامەرنێ د چەند وێنەیان دا
د ڤیستەڤالا ئێكەم دا ژ جورێ خوە ل سەرانسەری پارێزگەها دهوكێ، دانیكا زێدەتری هزار مرۆڤان ل بامەرنێ خرڤەكرن. ئەڤرو 1/12/2017 و دەمژمێر 2:30 ی ئێڤاری ل سەر دەرێ قەشیلوی ل باژێركێ بامەرنێ، ئێكەمین ڤیستەڤالا دانیكا هاتە گێران و د برگێن ڤیستەڤالێ دا، دوو مەنجەلێن دانیكا هاتبوونە كەلاندن و ل سەر بەشداربوویان هاتنە بلاڤكرن، متایێ ئەڤ سالە ژ هنار و كتك و مێویژ و گیز و باهیڤان و چەندین كەرەستێن دی یێن ئاقار و چەم و رەزێن دەڤەرێ هاتبوونە نمایشكرن، داوەتێن كوردی (شامیرانێ، چوخوو، عودیشو و چەندین داوەتێن دی یێن كەلتوری)، ل بەر دەنگێ سترانبێژێن مللی هاتنە كرن. 
السبت، 10 يونيو 2017
دیار ئەرەدنی بۆ كەڤروكا: ئەگەر نڤیسكاری بڤێت ب سەركەڤیت، دڤێت فێری دراندنا لاپەرێن خو ببیت
دیدار: هەودان سەعید
رۆمانا ئاترا ئێك ژوان رۆمانانە، ل ڤان نزیكان كەفتیە د پەرتوكخانا كوردی دا، ئەڤ رۆمانە جوداتر ژ ئەڤێن دی، ل سەر زارێ گیانەوەران، داروبەران هاتیە نڤیسین، ددەمەكێ كێمدا، بوویە جهێ دان و ستاندنێ و دا كو ژ نێزیك ڤێ رۆمانێ بو خواندەڤای بدەینە ناسكرن، مە كونتاك دگەل نڤیسەرێ رۆمانێ كر، مە چەندین پرس دانانە بەر سینگا وی و ب جوامێرانە بۆ رۆژناما مە یا ئەلەكترونی رۆژناما كەڤروكا بەرسڤێن خو دان. دیار ئەرەدنی ئێك ژوان چیروك نڤیسێن گەنجە ددەمەكێ كورتدا شیایی شوین تلێن خو ل سەر روپەلێن ئەدەبیاتا كوردی دا بهێلیت و جهێ خو بكەت، هەر ژ نڤیسینا كورتە چیروكێ یان شعرێ و نوكە ژی رۆمان.
پەیامەك بۆ نڤیسەران
سەرنڤیسكار
ئێك ژ بەربەستێن نزیكنەبوون و هایدارنەبوونا تڤیسەرێن كورد ژ ئێك، نەبوونا زمانەكێ ستاندەردە، ب ملێ وێ ژیڤە، دوو شێوازێن نڤیسینێ، ئێك ب پیتێن ئارامی و ئەڤا دی ب پیتێن لاتینی، سەرەرای قەدەرا كورد ژ ئێك بژاندین و ل چەندین وەلاتان بلاڤەكرین، ئەڤە هەمی ئەگەرن رەوشا نڤیسینێ بگشتی خاڤ ببیت و ب تایبەت ژی، لدەڤەرا بادینان، كو ئەڤ رەوشە دوو جاران دكەڤیتە بەر سندانی، ئێك: شێوەزارێ ئاخفتنێ و نڤیسینێ ب (بادینی) یە و دوو: رێنڤیس ب پیتێن ئارامی یان كو عەرەبی یە، لڤێرە ئەو كەسێن ب شێوەزارێ بادینی (كرمانجیا سەری) دئاخڤن و دنڤیسن، ژبەركو نڤیسین لڤێ دەڤەرێ ب پیتێن ئارامی یە، بو وان ئاسان نینە، دخواندنێ دا رەهوان بن و ئەڤ كەسێن ب پیتێن ئارامی ژی دخوینن و دنڤیسن، دهەمان دەمدا بو وان ئاسان نینە، دشێوەزارێ ئاخفتنێ بگەهن، بویە مە بیر ل وێ چەندێ كر، دپێنگاڤا ئێكێ دا ئەم بشێین پرەكێ دروست بكەین، ئەڤ كەسێن ب شێوەزارێ كرمانجیا سەری دنڤیسن و دئاخڤن، ئەڤ كەسێن ب رێنڤیسا ئارامی (عەرەبی) دنڤیس)، لدوور ڤێ روژنامەیێ خرڤەبكەین و ببینە پرەك بو گەهاندنا هەر كەسەكێ حەزا خواندنێ و نڤیسینێ هەی ل هەر پارچەكا دنیایێ بیت، ژبەركو ئەڤرو تەكنەلوجیایێ جیهان گەلەك بچویك كریە و ب چركەیان ئەم دشێین ل هەر قولاچا دنیایێ تشتەك رویبدەت، ئەم پێ بزانین.
بامەرنێ و بامەرنی دناڤبەرا ئەرك ومافان دا
رێنجبەر جەمیل شێخو
بامەرنێ ئەو وارگەهێ هەمی بامەرنی شانازیێ پێ دبەت كو چەندین سالە ژیانێ بسەرفەرازانە لسەر ئاخا ئەڤی واری دبنە سەر، ئاڤا كانیێن تەزی ڤەدخون ولبەر سەیبەرا كەڤر وجوانترین داروباران لناف سروشتێ جوانێ كوردستانێ ئارامیا خو دبورینن، لێ تشتێ گرنگ لڤێرێ ئەوە ناڤێ بامەرنێ شانازیەكە ژ بو هەر تاكەكەسەكی نەخاسمە خەلكێ بامەرنێ بخو ژبەر كو بامەرنێ ناڤ ودەنگەكێ زورێ مەزن ل هەمی كوردستانێ هەیە كو ب وارگەهێ رەوشەنبیریێ دهێتە نیاسین لەورا ئەف ناڤە ئەركەكێ مەزا ئێخستیە سەر هەمی بامەرنیان كو خو لڤی گوندی بكەنە خودان ژبەر كو ناڤ ودەنگێ جوانێ بامەرنێ قازانجەكا بێ وێنەیە بو هەمی خەلكێ وێ لەورا یافەرە هزر د ئاڤەدانكرنا ئەڤی واری دا بهێتە كرن داكو ئەف ناڤ دەنگێ جوان هەرێ پاراستی بیت، ئەڤە وێ چەندێ دگەهینیت ئەركێ خەلكێ بامەرنێ ئەوە خو وارێ خو بكەنە خودان بەرانبەر ئەوی مافێ ئەڤی گوندی بو رەخساندی كو سەربلنی وشانازی دناف هەمی خەلكێ كوردستانێ دا.
نڤشتوكا ئەڤینا خاكی
غیاسەددین نەقشەبەندی
هەر كیڤە بچی، عشقا ئەزەلی یا شیڤا هرچا و گویزێت جندیا، بەرقادیا، گەلی و بنێ گوندی، یا د چاندكا دلیدا و ئاڤا تێهنی یا سەروكانیێ و قەشیلو و كانیاتا و كانی گیسكێ دخوینبەراندا وەكی بەلاتینكەكێ سەمایێ دكەت.
نە گرنگە تو چەند ل بامەڕنێ ژیابی و چەند لێ مابی و كەنگی و چەوا دەركەتی، ناڤێن بامەڕنیا هەدامێن دێمێ هاڤی و شوینوار و ئێكەمین ئەڤین و جیوگرافیا وێ نڤشتیەكە د پاخلا بن چەرمیڤە، ئەگەر تو ژی لێنەژیابی، بیرەوەریێن دای و بابا دبنە وەحیێ خەونێن ئاڤز، كو لهەمی دەمەكی وەكو داهێنان دپەقن و دبن سەدەما خیڤبوونەكا نوی، كو دهەمی زەماناندە داروبارێ بنێ خوكێ دبشكڤن.
نەگرنگە تو لكیرێبی، تو لسەر ڕویبارێ ڕاینی بی ئان تو ل سانتدیاگو ئان ل سیدنی بی، بارێ تە یێ تژی گویز و باهیڤ و مێویژ و بیرەوەریێن دویكێلی ب تاڵیا ڕویدانان و شرینیا ئاڤا كانی گیسكێ، قوسكاتە دێ وەك دروشمەكی بناڤ چاڤێن دیروكا تە ڤەبیت، خەمێن بامەڕنێ و تاڵیا ژیانێ و چێژ وێناكەكێ سوریالی ددلێ هەمی بامەڕنیان دا چێدكەت، چێدبیت بێی كو ئەو بخو ژی بزانن، درویشمەكا ئەزەلیە دخوینبەراندا كو دڤێت.
ئەز ل بامەڕنێ نە ژیایمە، تنێ هاڤینان ئەم دهاتین پشتی ساڵین حەفتیان، بەلێ پا گوتنێن دایباب و خویشك و برا، یێن دچوینە د د شانێن بیرەوەریاندا، هەر وەكی مروڤ بخو لێ ژیایی.
كوردستان لاندكا پێغەمبەرانە
سەعید موحەمەد بامەرنی
ل گوری شینوارێن دیروكی ل كوردستانێ دوپات دبیت، كو كوردستان جهەكێ پیرەزە و جهێ پێغەمبەرانە. دەما خەلكێ باوەری ب پێغەمبەر نوح نە ئینای، خودێ فەرمان ل نوحی كر، پاپورەكێ دروستبكەت دا كو وی و ئەو كەسێن باوەریێ پێ دئینن ژ توفانێ رزگاربكەت. نوحی داخاز ژ خودێ كر كو پاپورا وان ل جهەكێ پیروز راوەستینیت، ئەڤ یەكە د قورئانا پیروزدا هاتیە )ربی انزلنی منزلا مباركا(، )سورەتا موئمینون ـ ئایەتا )29(، خودێ مەزن داخازا وی بجهـ ئینا، پاپورا وی ل سەرێ چیایێ جودی ل كوردستانێ راوەستاند )سورەتا هود ـ ئایەتا )44(.
ل گوری گوتنا نڤیسەرێ كورد هاشم شوشی: پاپورا نوحی ل )عەینسفنێ( هاتیە دروستكرن، عەین ب رامانا كانی و سفن ب رامانا پاپور دهێت، پشتی پاپور ل سەرێ چیایێ جودی راوەستیای، دوبارە كوردستانا پیروز بویە لاندكا ژیانێ و نوحی باژارێ شارنەخێ ئاڤا كریە، كو شار برامانا باژێر و ناخ برامانا نوح دهێت. لڤێرە بو مە دیاربوو كو پاپور ل دەڤەرەكا كوردی هاتیە دروستكرن و دیر نینە پێغەمبەر نوح ژی كورد بیت. هەروەسا هندەك بوچوون دیاردكەن،
كەنگی رێكا ترۆمبێلا گەهشتیە بامەڕنێ؟
كۆڤان ئیحسان
دیرۆك بەری هەر تشتەكی دوكومێنتە، وەختێ مرۆڤی گرووڤ ل سەر تشتەكی هەبن، ئەو وەكی خالەكا ڤەبر دهێنە هژمارتن، نوكە دوكومێنتەكێ نڤیسی ل بەر دەستێ مە هەیە، دیرۆكا ڤەكرنا رێكا دناڤبەرا بامەڕنێ و ئەرەدنا دا دیار دكەت.
بەری ئەم بەحسێ وێ دوكومێنتێ بكەین، دڤێت پویچەكا دی بزڤرینە كەڤنتر، گەرۆك و نڤیسەڤان (عەلی سەیدو گەورانی) ل رۆژا ٥\٨\١٩٣١ێ یێ گەهشتیە سەرسنكێ، وەكی دیار رێكا ترومبێلا وی وەختی گەهشتبوو سەرسنكێ، چنكی دبێژیت: ئەز دناڤ پالا دا نڤستم، ئەوێت رێكا ترومبێلا ڤەدكر، كو هژمارا وان ب هزارا بوو، دیساڤە دبێژیت: هەكە بایێ هینێ وی جهی نەبا، ژبەر پێشیا ئەم نەدشیاین بنڤین(١)، ل رۆژا پاشتر سەرەدانا بامەڕنێ یا كری. ل ڤێرێ پرسیارەك سەرهەلددەت و دبێژیت: ئەرێ كەنگی رێكا ترومبێلا گەهشتیە بامەڕنێ؟ هەكە ئەم بێژین فلان سالێ، بدیتنا من بتنێ دێ تەخمینكرن بیت.
بەری ئەم بەحسێ وێ دوكومێنتێ بكەین، دڤێت پویچەكا دی بزڤرینە كەڤنتر، گەرۆك و نڤیسەڤان (عەلی سەیدو گەورانی) ل رۆژا ٥\٨\١٩٣١ێ یێ گەهشتیە سەرسنكێ، وەكی دیار رێكا ترومبێلا وی وەختی گەهشتبوو سەرسنكێ، چنكی دبێژیت: ئەز دناڤ پالا دا نڤستم، ئەوێت رێكا ترومبێلا ڤەدكر، كو هژمارا وان ب هزارا بوو، دیساڤە دبێژیت: هەكە بایێ هینێ وی جهی نەبا، ژبەر پێشیا ئەم نەدشیاین بنڤین(١)، ل رۆژا پاشتر سەرەدانا بامەڕنێ یا كری. ل ڤێرێ پرسیارەك سەرهەلددەت و دبێژیت: ئەرێ كەنگی رێكا ترومبێلا گەهشتیە بامەڕنێ؟ هەكە ئەم بێژین فلان سالێ، بدیتنا من بتنێ دێ تەخمینكرن بیت.
قەسرا كافری و چەند زانیاریەكێن مێژویی
كارزان محمد حسێن بامرنی
قەسرا كافری ئێكە ژ گرنكترین شینوارێن كەڤنێن بامەرنێ، دكەڤیتە سەرێ گرەگێ بلند ل هنداڤی تاخێ گەلی ل سەنتەرێ ناحیا بامەرنێ، هەتا نوكە ژی شینوار و بەرمایكێن قەسرا كافری ل سەر رویێ ئەردی د رون و ئاشكرانە. ل سالا 1971 ز ئەندازیارەكێ جیولوجی بناڤێ )ئوسمان ئیبراهیم خالد بامەرنی(، پرتەكا گێجا قەسرا كافری برە وەلاتێ ئەمریكا و ئەو پرتا گێچێ گەهاندە دەستێ )پروفیسور روبرت فولك(، ل زانكویا تكساس ل وەلاتێ ئەمریكا، پشتی پروفیسورێ ناڤبری ئەو پرتا گێچێ بشافتی )تحلیل( كری، گوت: )تەمەنێ ڤێ گێچێ شەش هزار سالن و ئەڤە ژ چێكرنا سروشتی و مروڤایە). بڤێ پێزانینێ بو مە دیار دبیتن، كو هەبوونا ژیانا مرۆڤان ل بامەرنێ دزڤریتن بۆ چەرخێن بەرین یێن كەڤن )1(.
لدویڤ گوتنێن كەسانێن ریهسپی و دانعەمرێن خەلكێ بامەرنێ دبێژن، كو مە ژی پێزانیەك ژ باب و بابیرێن خو گوهـ لێ بویە و ئەوان ژی ژ مروڤێن بەری خو گوهـ لێ بویە: كو ل سەر دەمەكێ كەڤنار )كافران( دەستهەلاداری ل بامەرنێ دكر و قەسرا سەروكێ كافرا ل سەرێ گرەگێ بلند بوو لهنداڤی تاخێ گەلی، ئانكو ئەو جهێ نوكە دبێژنێ قەسرا كافری، دوی سەردەمیدا هەمی خانیێن خەلكێ بامەرنێ برەخێكڤە و پێكڤە هاتبونە ئاڤاكرن و هەكە بێژینك یان باگوردان لسەر بانەكێ سەرێ كوندی گرێلگربوو دا گەهیتە سەربانێ بنێ گوندی بێی كو بێژینك براوەستیت.
پێكێ ژیانێ شعر
تیروژ ئامێدی
من پێكێ خوە
ب در دەمڤە ڤەخار
و تو ڤێدای و
كریە قەفتەكا گولا
دبەر سەرێ خوە راكری
دەما تە لمن نێری
ژ پرچێ را تە ئەز ڤەكێشام
سەرێ من بتوندی
ل خەونێن من دا
تو دناڤ سیلاڤێن روندكێن من دا بەرزەبوی
ئەز هشیار بوم
لناڤ وەلاتەكێ كاڤل كری
شوین پەنجێن تە لێ..
كورته چيروك - وەغەر د وەغەرێدا
ئەدیب عبدالله
قەدەرا وانا )نەمریێ( كەتە د رێ و رەسمێن روژا پێنج شەمبی دا، كو هەمی شاگردە ل مەیدانێ گوهداریا ئاموژگاریێن وێ حەفتیێ دكەن، هەر جارێ رەنگەكێ ئاموژگاریا دهێتە ئازراندن، هەر وەكی رێڤەبەرێ هەلكەفتێ، ڤیای قەرێ وی وێ روژێ ب دەتێ، هەكە ئەركەك نەبیت.
)٠٠٠ هەر هەلنگافتنەكێ قووناغەك نوی د بری، چاخەك بو ئارمانجێ د بەزاند، ئەو نەبا دا وەرز د وەرزیدا حەلیێن، ل هاڤینان سەقەم باریت، ل زڤستانا مروڤ دبنە هەلم، گەفێن پاییزا.. خەملا بهارا دا كەنە لیسا..(.
بیرا )رێبەری( چەرخەك ل خو دا... كەتە د ململانا وێ ماموستایا د وانێ دا گوتی: )... نەبوویا بو دوعا دكرن، گور دكرنە ئاڤاهی، وەغەرچی تێدا ڤەدژین، هەر ژ رێڤە دبوونە مرید..(
قەنجە ئەگەر وەغەرچی ڤەژین، ما روژەكێ ڤەناگەرن؟ بەلێ، ما دێ هەتا هەتا ل وەغەرێ چ كەن؟! یێ ب رێڤە دێ ڤەگەرن؟
... سیبەرا دیوارێ ئاشوپا وی دێمێ وی پاوان كر، گرێ یێن درێكا گرنژینێ دا بەرە بەرە ڤەكرن، ئەو هیڤییا خورستی.. جهگیر بوو، ڤیا زوی ب مزگینی ڤە بگەهیتە مال، نەكە هەڤالەكێ وی بەری وی كێكا مزگینیێ كەركەت... مزگینییا ڤەگەرا خودانێ وێنێ ب تاقی ڤە، ئەوێ گەلەك جارا چاڤێن دەیكا وی پەنگاندین و بلقێن روندكان ژێ رژتین..
دەمێ وێ روژێ چ شویماتی نەكرین، دەملدەست دەیكا وی دگری وەربووی، وی ژی خوە تەحل و ترش كر، ڤیا نهێنیا ڤێ جارێ بزانیت.
ژن نە كارگەها وەبەرهێنانا زارویانە*
هیلان چیا
ژن هەرتم سەرچاوێ ژیانێ یە، ژیان ژی واتە هەبوون و دراستیێ ژی دا سەرچاوێ ئافرێنەریێ یە، واتا ئافرێنەرە. هەر ژبەر ڤێ یەكێ ئەگەر ڤەگەرین لسەر دیروكا مروڤاتیێ هەرتم دایك یان ژی ژن مینا خوەداوەندان ژیان دكر، رێزگرتن بەرامبەر ژنێ ئەركەك گرنگ بوو، ژ خۆە جڤاك یوتوبیای بو و ژن سەردارا هوزێ و جڤاكی ب تەمامی بوو، چ كار نە دهاتكرنێ ئەگەر ژنێ فەرمان نە دا با و دەما كچان شوی دكر نە دچوو دناڤ مالا زەلامی دە، لێ بەلێ زەلام دهات دناڤا مالا ژنێ، چنكۆ ژن سالار بوو و بەرپرسا خێزانێ و هوزێ بوو. لێ ب دەربازبونا دەمی و دەركەتنا شڤانەتیێ و چاندن ژی بوو كارەك سەرەكی دژیانا هوزێ و جڤاكی دە، وێ چاخێ زەلامی خۆە دیت و خۆە هاڤێت پێشیا ژنێ و زێهنیەتا بابسالاریێ ئافراند و بۆ سەردارێ هوزێ و جڤاكی. دگەل وان هەولان كو كرنە كولە و كرن ئالاڤەك ددەست بەرژەوەندیێن دەسهەلاتێ دا، حەیف كو ئیرو ئەم مێزەدكەین ژ دەرئەنجامێ تەڤلی هەڤبونا زێهنیەتا ئایین و كلتورێ كلاسیكێ كومەلایەتی ژن نە بتنێ وەك ئالاڤەك بەلكو مینا كارگەهەك وەبەرهێنانا زارویان و خزمەتكارا زلامی یە، تایبەت د روژهلاتا ناڤین دا، د روژئاڤا دا واتە دەزگەهێ سیستەمێ كاپیتەلیزمێ و د هەمان واتە بتنێ مینا ب چاڤ ئالاڤەكێ بازرگانیێ تەماشە دكەن و رێكلام و نمایشكرن و دهەمان لوجیك دا ژی كێمتر ژ زلامی دیالوگ لسەر تێتكرن، ب گشتی ئەگەر تەماشە بكەین دهەموو ئالیێن جڤاكێ كوردی دە، ئیرو ل هەرچار پارچێن كوردستانێ ژبەر سەدەمێ باب سالاریێ و باندورا كلتورێ بابێ و زێهنیەتا كلاسیك و لوجیكێ هشكێ ئاینی، ژن وەك ئالاڤ و كارگەها وەبەرهەم ئینانا زارویان سەرەدەری دگەل تێت كرن, گەرەك ئەم ب هویری تەماشەی بابەتی بكەین، دنهادە مێرا زارو ژبوو ژنێ پیروزترین ژیان زانیە و هەر یەك ب كێماسی خوەدیكرنا چوار زارویان خستیە ستویێ وێ،
كی ل مرنێ دگەریت* !
كەوسەر شەوكەت
د كومەلگەهێن روژهەلاتی دا، پتریا خەلكێ وێ دژین دا بمرن و هەمی پێكولان دكەن دا بمرن! گەلەك باش خو بەرهەڤدكەن دا بمرن! هزردكەن و كار دكەن بتنێ دا بمرن ! ئەو بخو ژی د راستی دا هەما هەر دساخ نین بەلكی دمرینە. رەنگە هەكە تو ڤێ راستیێ بو بێژی، دێ خو تورەكەن و عاجز بن و بنەوەی خویاكەن و ب كوفری قەلەم دەن، ژبەركو ئەڤە فەلسەفەكا ئەزلی یە دناخێ وان دا، ژ چەرخەكی بو چەرخەكێ دن هاتیە ڤە گوهاستن و دناڤ مێشكێ وان دا هاتیە چاندن و ب پیروزی هاتیە پێناسەكرن. دیسا هەر ژبەر وێ یەكێ كو ئەو ب خو دهەڤدژیێ دا دژین، حەز ژ ژیانێ دكەن و بو مرنێ دساخن! لێ بەلێ هەكە نێرینەكێ بو كەتوارێ وان بكەی، دێ بینی راستە كو ئەوێن دژین بتنی دابمرن! مێشكێ وان یێ گرێدایە ب ژیانا پاش مرنێ و كاردكەن بو وێ ژیانێ. دراستی دا ل گەل خو بگومانن كانێ راستە دبەرهەڤن بو وێ سەفەرێ یان نە. هەرلدور ڤێ مژارێ نیتشە دبێژیت (ترسنوكیە)، كارەسات نە ئەوە ئەڤ مروڤە هزر دوێ جیهانێ دا دكەن و كار بو دكەن و هەرو بژڤانا وێ نە، لێ بەلێ كارەسات ئەوە، ئەڤ ترسە دبیتە سەدەم كو هزرَن نوی نە وەرگرن، دیسا دڤێ جیهانێ دا و چ بو ڤێ جیهانێ ناكەن و هێش نەچوینە وێ جیهانێ و یێ بو وێ دكەن.
الخميس، 25 مايو 2017
هوزانڤان مەلا نەجمەددین بامەرنی
مەلا نەجمەددین كی یە
مەلا نەجمەددین كورێ كورێ مەلا ئەحمەد بابكی یە، برایێن وی حوسنی بامەرنی و مەلا عەبدولرەحمان كو رەوشەنبیر و هوزانڤان بونە و بەرهەم لپاش خوە هێلاینە.
ژێدەرێن ل سەر ژیانا ڤی هوزانڤانی ب دەست مە كەفیتن دكێم بونە، هەر وەسان بەرهەمێ ل پاش وی ژی مای بتنێ ئێك هوزان ب دەست مە كەفتی یە، ئەو ژی د ئەرشیفێ دەستخەتێ هوزانڤان عەبدوللا مەلا حەسەن نەقشەبەندی دا بو.
هوزانەكا زورا جوان و لێكدای ب زمانێ عەرەبی هاتیە ڤەهاندن، ب سالوخدان و وەسفكرنا باخچێ بن گویزا نڤیسی یە. باخچێ ژ لایێ شێخ غیاس ددین نەقشەبەندی ڤە ل بامەرنێ هاتیە چێكرن، كو دوی دەمی دا ڤی باخچەی گەلەك ناڤ و دەنگێن خوە وەرگرتبوون، گەلەك هوزانڤانێن دی ژی بڤی باخچەی نڤیسی یە، وەك (حوسنی بامەرنی و هوزانا وی یا بناڤ و دەنگ حەودێن بن گویزا و دیسان ئەحمەدێ نالبەند ژی دهوزانێن خوە دا ئاماژە بڤی باخچەی دا یە.
هوزانڤان دژێدەران دا
ژێدەرێن تایبەت ب هوزانڤانی ڤە و پشتی لێگەریانان بدەست مە كەفتین، بتنێ دناڤ هندەك پەرتوكان دا ئاماژە پێ هاتیە دان، ژ وان ژی:
ـ فڤلا‌و بهدینان: اعداد مسعود محمد سعید یاسین الریكانی ـ دهوك1997 ژمارە(13). ب هژمارێن ناڤداران بپ22، ملانجم الدین البامرنی. و بڤی رەنگێ خارێ تێدا هاتی یە.
(مەلا نەجمەلددین بامەرنی، ئێك ژ زانایێن زیرەك بوویە و وەك ماموستایەكێ بەردەوام ل سەر زانیاریێن عەرەبی یێ و هندەك ژ زانیاریێن دینی ل تەكیا نەقشەبەندی ل بامەرنێ دەرس داینە، مروڤەكێ ژ خوە شەرم و ژ خودێ ترس بوویە. لێ دگەل خویندكارێن خوە یێ زڤر بوویە، گەلەك لبەر دەستێ وی فێربوینە. وی دەستێ باشێ نڤیسینێ هەبوو، ئەڤ مەلایە كورێ مەلا ئەحمەد بابكی یە، كو ئێك ژ خویندكارێن مەلا (یەحیا مزوری) بو. ل سالا(1369ك/ 1949ز) چوویە بەر دلوڤانیا خودێ.
الثلاثاء، 16 مايو 2017
پەرتوك، ئاسویان بۆ گوهورینێ پەیدا بكەن
هەودان سەعید
سوتنا پەرتوكان كارەسات نینە هندی نەخاندنا پەرتوكان كارەسات. پتریا كەسێن مەزن نە دەرچویێن خاندنگەهـ و زانینگەهانە، بەلكو دەرچویێن پەرتوكخانانە. تورەڤانێ دیارێ فرەنسی (ڤیكتور هیگو)، باشترین میناكە، كو دبێژیت: ل زاروكینیا خو من پەیوەندیەكا خورت دگەل پەرتوكان هەبوو. مروڤ برێكا خاندنا پەرتوكان دكاریت بدروستی خو بنیاسیت و ببیتە خودان شوناس و ل سەر نورمێن راست هزرا خو ئاڤابكەت. پەرتوك هەڤالە بو ئازادیێ و كلیلكا ڤەكرنا مێشكێ گرتیە، هەر چەند رێژا خاندنێ زورتر بیت، هزرا مروڤی ئازاد دبیت ژ دەستەواژێن شاش و نە راست. (ئابراهام لنكولن) ل دور گرنگیا خاندنا پەرتوكان دبێژیت: د كارین بێی حكومەت بژین لێ نابیت و نكارین بێی پەرتوك بژین. مفایێ خاندنا پەرتوكان كێم تر نینە ژ خارنێ یان وەرزشێ، بو مروڤی هاریكارە مروڤ باشترو كویرتر و بەرفرەهتر دژیانێ بگەهیت. ڤەكولین دیار دكەن كو خاندنا پەرتوكان راهێنانە بو مێشكی و فاكتەرێ بیرتیژیێ یە ل دەف مروڤی. دیسان خاندنا پەرتوكان رێگریێ ل نەخوشیا ژبیركرنێ یا ناسیار ب (زەهایمەر) دگریت. چوونە ناڤا چیروك و پەرتوكێن جوان مروڤی ژ نەخوشی فشارێن ژیانێ دویردكەن ب زوربوونا زانیاریان، دێ كارین بەرهنگاری ئالوزیێن ژیانێ بین و فەرهەنگا مە یا زمانی ب خاندنا پەرتوكان دەولەمەند دبیت. مروڤ ب سەر چەندین ئیدیەمێن زانستی هەل دبیت، دیسان دەربرین و دانوستاندنێن مە پری زانیاری دبن.
رولێ رێكخراوێن نە حكومی دكومەلگەهی دا
ميديا عه‌لى
هەبوونا رێكخراوێن نە حكومی، ئەڤجا چ دبیانی بن یان ناڤخوەی، هەبوونەكا گرنگە بو پێشخستن و ئاڤاكرنا كومەلگەهی بەرەڤ مەدەنیكرنێ، تایبەت پشتی ئەڤ بویەرێن لڤێ دوماهیێ ل هەرێما كوردستانێ پەیدابوین و هاتنا داعشێ و گرنگیا ڤان رێكخراوان و ئەكتیڤبوونا وان د بوارێن جودایێن هزری و رەوشەنبیری دا، كو چ دی جڤاك نەبیتە قوربانی هزرێن توندرەو و داخستی، دیسان ئاڤاكرنا تاكە كەسی گرنگە و تەقەبولكرنا ئێك و دوو و پێكڤە ژیانێ و ئەڤە ژی برێیا ئەو خول و ورك شوپێن دبیاڤێن جودا دا دگێرن و دڤێت مە هەمیان، ئامادەی بو كاركرن ژ بو خوە رەوشەنبیركرنێ و خوە پێشئێخستنێ هەبن، كو ئەم دبینین، جیهان روژانە یێ بەرەڤ گوهورینێن نوی و پێشكەفتنێن نوی دچیت و نابیت ئەم كومەلگەهەكێ ڤەمای بین ژ ئەوا جیهان دگەهیتێ، هەر چنە بیت خوە دگەل بگونجینین.
الخميس، 11 مايو 2017
ل سپێده‌هيا روژا 11/5/2017 جه‌نازێ پێشمه‌رگه (سه‌لمان حه‌جى مه‌حمود) ل ناڤ گورستانا بامه‌رنێ هاته ڤه‌شارتن
هه ر يىٰ سةر بلند بوىٰ ،،،،ئو هةر دىٰ سةر بلند مينيت ،،،، ميٰژويا وي شاهده ،،،، ميٰرك ئو چيا ،،،، لات ئو نهال ،،،، ريبار ئو كانيٰت ئافا كوردستانىٰ ،،،، هه مي وي دنياسن ،،،،
تةمةن دريٰژ بيت مام سلمان ،،،،
مرفوع الرأس كنت ،،،، وستبقىٰ مرفوعة الرأس ،،،، تةمةن دريٰژ بيت مام سلمان ،،،،مرفوع الرأس كنت ،،،، وستبقىٰ مرفوعة الرأس ،،،، تةمةن دريٰژ بيت مام سلمان ،،،،مرفوع الرأس كنت ،،،، وستبقىٰ مرفوعة الرأس ،،،،
تاريخك شاهدٌ علىٰ ذلك ،،،،
جنينات كوردستان و جبالها ،،،،
أنهارها و عيون الماء في كوردستان ،،،،
سهول كوردستان ،،،، و جبالها ،،،،
كلها تعرفك ،،،، ياعم سلمان
( مامىٰ سلمانىٰ حجي محميدي )
السبت، 6 مايو 2017
سێرانا سالانه‌يا بامه‌رنێ 2017 دوێنه‌يان دا ببينه
روژا 5/5/20177 سێرانا سالانه‌يا بامه‌رنێ ل نزيك مه‌تارخانا بامه‌رنێ هاته گێران و تێدا چه‌ندين چالاكى هاتنه ئه‌نجامدان، ژوان ژى، چه‌ند په‌يڤ و گوتارێن ئه‌ده‌بى و دوو شانگه‌رى يێن دلڤه‌كه‌ر و چه‌ند ستران و داوه‌ت. ديسان باس ل ده‌رئێخستنا روژناما كه‌ڤروكا يا ئه‌له‌كترونى هاته كرن و گرنگيا ڤێ روژنامێ بو ده‌ڤه‌را بادينان كو دشێت ده‌نگێ قه‌له‌مێ ڤێ ده‌ڤه‌رێ ژ بازنێ بادينان ده‌ربێخيت و هه‌ر كه‌سێ حه‌ز هه‌ى، بشێت به‌شداريێ تێدا بكه‌ت و بخوينيت.
الخميس، 4 مايو 2017
روژناما (كه‌ڤرۆكا) يا ئه‌له‌كترونى ژماره 1 ده‌ركه‌ت و هين دشێن ل سه‌ر ڤى لينكى بخوينن، رۆژناما كه‌ڤروكا رۆژنامه‌كا ئه‌له‌كترونى هه‌يڤانه‌يه و دىێ پێخوش بين، بابه‌تێن وه بگه‌هنه ده‌ستێن مه بو بلاڤكرنێ، به‌شداريا ته د روژنا ما كه‌ڤرۆكا دا، پێشئێخستنا روژنامه‌ڤانى و زمانێ كوردى يه لڤێ ده‌ڤه‌رێ.
روژناما كه‌ڤروكا ژماره 1
روژناما كه‌ڤروكا ژماره 1
الأربعاء، 15 مارس 2017
ئەو ناڤێن دگەل مندا مەزن بوین!
عبدالرحمن بامەرنی
هەر كەسەكی ناڤەك پێخوشە پێ بهێتە گازیكرن و ئەو ناڤێ ئەز پێدهێمە ناسكرن و گازیكرن، ئەو ناڤە یێ بابێ من پێخوش و ڤیایی بەشەك ژ ناسكرنا من بو وی ڤەگەریت و رێزگرتن بو وی، من حەزا وی لپێش وی ناڤێ خوازیارێ خوە ئێخست، ئەڤێ هوین نوكە من پێ ناس دكەن.. چیروكێن ناڤی گەلەك هەنە و هەر ئێكی ژی دڤێت تایبەتمەندییا خوە هەبیت، كو بەلێ ئەو یێ هەی.. لپێشیا وێ، بابێ من یێ دوێ هەبو و تا بناڤێ وی من خو نە دا با نیاسین و من (ئەحمەدێ مەلای) پێڤە نەكربا، كەسێ ئەز ناس نە دكرم.. چیرۆكا من بو هەلبژارتنا ناڤێ منێ خوازیار گەلەكن و هەمی ژی ب زارۆكینیا من ڤە گرێداینە و ئەو ناڤن یێن من ئەڤ زاروكینیە دگەل دا مەزن كری.. دكانا حەجی عەبدولقدوسی خوشترین جهـ بوو، كو هەر شەڤ من خەون ب (فالكان) ڤە ددیتن و شەكروكێن وی یێن سور و زەر. ئاشێ (حەجی شەعبانی)، هەكو ل پایزان ژنان دەخل و دانێ خوە موخل و بێژنك دكر.. چ جاران بیرێن رەحمەتی (هادیێ گوندورا) ژبیرا من ناچیت، هەكو ل كەرێ سپی سیار، دبەر دەروكێ مالا مە را ب سەر دكەت و خورچكێن وی تژی گوندور. (فەخری بامەرنی) هەر دەم حەژ مەتەلوكان دكر و گەلەك ژ دەمێ خوە ل سەر مەزاری لدەف (قوپێ) دبوراند و تا نوكە ژی ئەز نزانم ئەوی چ دگەل خوە دا دگوت، بتنێ هەر دەم بەرچاڤكێن وی یێن رەش، جهێ سەرنجا من بوون.. كورسیكێن (یاسینێ حەلاق) باش لبیرا منن، نزانم چاوان پێپكێن وان دزراڤ بوون و هەكو كورسیكەكا بچویك ددانا بن مروڤی و پرچا سەرێ زاروكان دقوساند. رەحمەتا خودێ ل گیانێ تە بن (سەیدا مریەم) هەر تشتێ ئەز ژبیر بكەم ژی، جارەكێ ئەز قەنجیا تە و دەرسێن تە یێن قورئانێ ژبیر ناكەم.. چەند جهێ كەیفێ بوو دەما فیتیێن جحێلا و دەنگێ دەست قوتانێ ژ چایخانا (سەعیدێ سموی) دهات، هەمیا دزانی (سەمیرا تەوفیق) یا هاتیە سەر تەلەفزیونێ و یا سترانان دبێژیت..
الاشتراك في:
الرسائل (Atom)