سەعید موحەمەد بامەرنی
ل گوری شینوارێن دیروكی ل كوردستانێ دوپات دبیت، كو كوردستان جهەكێ پیرەزە و جهێ پێغەمبەرانە. دەما خەلكێ باوەری ب پێغەمبەر نوح نە ئینای، خودێ فەرمان ل نوحی كر، پاپورەكێ دروستبكەت دا كو وی و ئەو كەسێن باوەریێ پێ دئینن ژ توفانێ رزگاربكەت. نوحی داخاز ژ خودێ كر كو پاپورا وان ل جهەكێ پیروز راوەستینیت، ئەڤ یەكە د قورئانا پیروزدا هاتیە )ربی انزلنی منزلا مباركا(، )سورەتا موئمینون ـ ئایەتا )29(، خودێ مەزن داخازا وی بجهـ ئینا، پاپورا وی ل سەرێ چیایێ جودی ل كوردستانێ راوەستاند )سورەتا هود ـ ئایەتا )44(.
ل گوری گوتنا نڤیسەرێ كورد هاشم شوشی: پاپورا نوحی ل )عەینسفنێ( هاتیە دروستكرن، عەین ب رامانا كانی و سفن ب رامانا پاپور دهێت، پشتی پاپور ل سەرێ چیایێ جودی راوەستیای، دوبارە كوردستانا پیروز بویە لاندكا ژیانێ و نوحی باژارێ شارنەخێ ئاڤا كریە، كو شار برامانا باژێر و ناخ برامانا نوح دهێت. لڤێرە بو مە دیاربوو كو پاپور ل دەڤەرەكا كوردی هاتیە دروستكرن و دیر نینە پێغەمبەر نوح ژی كورد بیت. هەروەسا هندەك بوچوون دیاردكەن،
كو ئیبراهیم پێغەمبەر كوردە، ئەڤ بوچوونە پالپشتیێ ددەنە سەر هندێ، كو ئبراهیم ناڤەكێ ئاریە. دیسان ب هەبوونا گەلەك دەڤەرێن كوردی یێن ناڤكری ب ئیبراهیم، مینا باژێركێ ئیبراهیم خەلیل دیسان ل دەڤەرا سوران نێزیكی گوێر كوركەكا هەی یا بەرنیاسە ب كوركا ئیبراهیمی، دهێتە زانین كو ئیبراهیم پێغەمبەری خو ژ بەر دوژمنا تێدا ڤەشارت بوو، هەروەسا پێغەمبەرێ كورد زەرەدەشت ژی ژ پێغەمبەرێن خودان پەرتوكێن ئاسمانیە، هەروەك نڤێسەرێ پەرتوكا )گبقات الامم( جرجی زێدان دبێژیت: )كو كوردا و فارسا و توركومانا هندەك مللەتێن دی باوەری پێ دئینا(.
درۆژناما كەڤرۆكا یا ئەلەكترونی ژمارە 2 دا بلاڤبویە.
ليست هناك تعليقات:
إرسال تعليق