كەوسەر شەوكەت
د كومەلگەهێن روژهەلاتی دا، پتریا خەلكێ وێ دژین دا بمرن و هەمی پێكولان دكەن دا بمرن! گەلەك باش خو بەرهەڤدكەن دا بمرن! هزردكەن و كار دكەن بتنێ دا بمرن ! ئەو بخو ژی د راستی دا هەما هەر دساخ نین بەلكی دمرینە. رەنگە هەكە تو ڤێ راستیێ بو بێژی، دێ خو تورەكەن و عاجز بن و بنەوەی خویاكەن و ب كوفری قەلەم دەن، ژبەركو ئەڤە فەلسەفەكا ئەزلی یە دناخێ وان دا، ژ چەرخەكی بو چەرخەكێ دن هاتیە ڤە گوهاستن و دناڤ مێشكێ وان دا هاتیە چاندن و ب پیروزی هاتیە پێناسەكرن. دیسا هەر ژبەر وێ یەكێ كو ئەو ب خو دهەڤدژیێ دا دژین، حەز ژ ژیانێ دكەن و بو مرنێ دساخن! لێ بەلێ هەكە نێرینەكێ بو كەتوارێ وان بكەی، دێ بینی راستە كو ئەوێن دژین بتنی دابمرن! مێشكێ وان یێ گرێدایە ب ژیانا پاش مرنێ و كاردكەن بو وێ ژیانێ. دراستی دا ل گەل خو بگومانن كانێ راستە دبەرهەڤن بو وێ سەفەرێ یان نە. هەرلدور ڤێ مژارێ نیتشە دبێژیت (ترسنوكیە)، كارەسات نە ئەوە ئەڤ مروڤە هزر دوێ جیهانێ دا دكەن و كار بو دكەن و هەرو بژڤانا وێ نە، لێ بەلێ كارەسات ئەوە، ئەڤ ترسە دبیتە سەدەم كو هزرَن نوی نە وەرگرن، دیسا دڤێ جیهانێ دا و چ بو ڤێ جیهانێ ناكەن و هێش نەچوینە وێ جیهانێ و یێ بو وێ دكەن.
رەنگە هەكە بهێیە ژیواری دا و دگەل ناخێ وان براوەستی، ئەو نزانن ئەو كینە و ژێدەرێ وان بو چ ڤەدگەریت، ژ كیڤە هاتینە و بو چ هاتینە, هەر تشتێ وان گومانە و ڤەگوهاستنە و دبێژنە خو مروڤێن سروشتی! ئەڤە ژی دبیتە ئەو مژار دەمێ ئوشو دبێژت: (تو مروڤەكێ سروشتی، لێ دەستهەلاتا ئاینی و سیاسی و جڤاكی ژ تە دخوازن یێ سروشتی نەبی. لەورا مروڤێ سروشتی و دروست ئەوە یێ خودیێ هزرەكاساخلەم بیت هەلگرێ بنەماین تایبەت بیت، هەلگرێ فەلسەفەكا ئازاد بیت نەك دیڤەلانكێ دەستهەلا ئاینی و سیاسی و جڤاكی بیت, لێ ب مخابنی ڤە ئەو هەمی بەندێن مرنێ و جیهانەكا نە دیارن، بەس نزانم تاچ دەم دێ هوسابیت؟ كەنگی دێ زانین ل كیڤە ژیان هەیە دڤێت ل وێ رێ ئیرادەهەبیت؟ ئەو مروڤێ هزرەكا مەزن بكەت ژمرنێ واتا ئەویێ بەنداتیا مرنێ دكەت وپێتڤیە وەكی بەندا بمریت نەوەكی مروڤا .چەند مروڤ هەنە خودین بنەماین راست ودرست بوینە وتانها ماینە ساخ سەرەرای چونا كەلەخێ وان ! لێ تانها روژهەلاتیا نەزانیە كو مرن نەئەوە دەمێ گیانێ وان ژڤێ جیهانێ دەردكەڤیت, بەلكی مرن ئەوە دەمێ تو بریڤە بچی وبهی بخوی و ڤەخوی وتونەبی وەكی وان كونها بتنێ بارگرانی نە بو گەردونی بتنێ وەك كەلەخ هەنە. دەمێ مێشك مژیلی هزرو فەلسەفەكاتایبەت بیت كویا گردای بیت ب جیهانەكا نەدیار ڤە بێگومان ئەو مروڤ نەشیت دجیهانا راستی دا چ داهێنانا بكەت بەلكی ئەو بخودێ هەمی دەما ل ژڤانێ مرنێ بیت وهزركەت لەشكەرەكێ فریشتا ل ژڤانێ گیانی وی یە دگەل 70حوریا لەورا بو وی گرنگ نینە ل ڤێرێ دا چكربیت ژبەركو هزردكەت لڤێرە ئەو بتنێ رێڤینگ گەكە. خەلكێ روژهەلاتی یێ كو ناهێنە هەژمارتن مروڤێن تەمام پتریاوان دنڤستی نە هەمی خەما وان ئەوە كانێ دچەوا جه و هزرا خو بونڤستنێ بەرهەڤ كەن وخوش كەن. ئەوبخوژی هەما چجار دهشیار نەبوینە , هیش نوزانن كو هزر وەكی چەكی نە پێتڤیە ژسەردەمەكی بو سەردەمەكێ دن بهێن گوهرین , لێ ئەو هەمی پێكڤە بێ جوداهی لدیف ئیك فەلسەفە دچن وكەس ژوان ئەو وێرەكی نینە یاخی بونێ لسەر وێ فەلسەفێ بكەت ژبەركو دێ ب ملحدو زەندیق و كافر هێتە نیاسین ودێ هەمی پێكڤە هێرشاكەنە سەر وزیكا ژناڤ خو دەرێخن لەورا ئەوێ دژی ڤێ فەلسەفێ بیت ڤێت زی ژ ناڤ روژهەلاتی بدەركەڤیت ئەو هوسا دهەژارن ژبلی فەلسەفا ژیانا پشتی مرنێ چ تشت دی نین, ئەڤە ژی نەخوشیەكا دی یە چنكو ئەو چجار پێشوازی ل نویاتیێ ناكەن هزردكەن كوهەرتشت دڤێت بەس دخزمەتا فەلسەفا وان ئەوا تایبەت ب جیهانا پاش مرنێ ڤەبیت ئەگەر نە نابیت بهێتە گوتن وەكی كاچەوا روژئاڤای لسەر دەمێ دەستەلاتا كەنیسێ هەمی هزرێن هەڤدژی كەنیسێ دسوتن لێ بەلێ ئەو بسەركەفتن دەمێ بریار دای بوژیانا نها بژین و داهێنان كرن تا وی رادەی ئەو كفنێ دێ بو مرنێ لبەر خوكەین ژ داهێنانا وانە ولجەم مە كەنگی لەهیا نوی خازیێ دێ وان وفەلسەفاوان ژوێ خەوا گران هشیاركەت؟ هنگی ئەم دێ مافی دەینە خو بێژینە خو مرۆڤ.
• درۆژناما كەڤرۆكا ژمارە 2 دا بلاڤ بوویە.
ليست هناك تعليقات:
إرسال تعليق