هیلان چیا
ژن هەرتم سەرچاوێ ژیانێ یە، ژیان ژی واتە هەبوون و دراستیێ ژی دا سەرچاوێ ئافرێنەریێ یە، واتا ئافرێنەرە. هەر ژبەر ڤێ یەكێ ئەگەر ڤەگەرین لسەر دیروكا مروڤاتیێ هەرتم دایك یان ژی ژن مینا خوەداوەندان ژیان دكر، رێزگرتن بەرامبەر ژنێ ئەركەك گرنگ بوو، ژ خۆە جڤاك یوتوبیای بو و ژن سەردارا هوزێ و جڤاكی ب تەمامی بوو، چ كار نە دهاتكرنێ ئەگەر ژنێ فەرمان نە دا با و دەما كچان شوی دكر نە دچوو دناڤ مالا زەلامی دە، لێ بەلێ زەلام دهات دناڤا مالا ژنێ، چنكۆ ژن سالار بوو و بەرپرسا خێزانێ و هوزێ بوو. لێ ب دەربازبونا دەمی و دەركەتنا شڤانەتیێ و چاندن ژی بوو كارەك سەرەكی دژیانا هوزێ و جڤاكی دە، وێ چاخێ زەلامی خۆە دیت و خۆە هاڤێت پێشیا ژنێ و زێهنیەتا بابسالاریێ ئافراند و بۆ سەردارێ هوزێ و جڤاكی. دگەل وان هەولان كو كرنە كولە و كرن ئالاڤەك ددەست بەرژەوەندیێن دەسهەلاتێ دا، حەیف كو ئیرو ئەم مێزەدكەین ژ دەرئەنجامێ تەڤلی هەڤبونا زێهنیەتا ئایین و كلتورێ كلاسیكێ كومەلایەتی ژن نە بتنێ وەك ئالاڤەك بەلكو مینا كارگەهەك وەبەرهێنانا زارویان و خزمەتكارا زلامی یە، تایبەت د روژهلاتا ناڤین دا، د روژئاڤا دا واتە دەزگەهێ سیستەمێ كاپیتەلیزمێ و د هەمان واتە بتنێ مینا ب چاڤ ئالاڤەكێ بازرگانیێ تەماشە دكەن و رێكلام و نمایشكرن و دهەمان لوجیك دا ژی كێمتر ژ زلامی دیالوگ لسەر تێتكرن، ب گشتی ئەگەر تەماشە بكەین دهەموو ئالیێن جڤاكێ كوردی دە، ئیرو ل هەرچار پارچێن كوردستانێ ژبەر سەدەمێ باب سالاریێ و باندورا كلتورێ بابێ و زێهنیەتا كلاسیك و لوجیكێ هشكێ ئاینی، ژن وەك ئالاڤ و كارگەها وەبەرهەم ئینانا زارویان سەرەدەری دگەل تێت كرن, گەرەك ئەم ب هویری تەماشەی بابەتی بكەین، دنهادە مێرا زارو ژبوو ژنێ پیروزترین ژیان زانیە و هەر یەك ب كێماسی خوەدیكرنا چوار زارویان خستیە ستویێ وێ،
ئیجا بیست و چوار سالێن ژنێ ژ ئازادیێ ژ خواندنێ ژ رەوشەنبیریێ جوانیێ خوەشیا گەشت و گوزارێ سیاسەتێ و...هتد ب هەروە دچیت و بێ بەهر دبیت، پێتریا جاران ژن ل زانینگەهێ دخوینن دكەڤن بن زوریا شوكرنێ و سوزێ ددنێ، كو خوەندنا خوە تەمام بكەت ب مێرێ خوەرە لێ گاڤا شودكن و دكەڤن ناڤا مالا مێران ئەو سوز نامینن و ڤالە دەردكەڤن، ژن دكەڤە خزمەتا زارویان و مێر خوە پێش دئێخیت، گاڤا ژن بتەنێ دناڤا مال دە مژویلی زارویان بیت و ژبوو وێ نەبیت بخوینیت و كار بكەت و دەركەڤیت، بێگومان ژ سیاسەتێ و رەوشا جڤاكی و تەمامی گوهەرینان بێ بەش دبیت و دبت ئەڤە سیاسەتەكا كاپیتەلیزم كومڤەكەتەڤە، كو هەرتم هەولدانێن وان ژنەكا ئازاد دەرنەكەڤیت و پێشەنگایەتی و سیاسەت و یاسا هەرتم لبن سها زێهنیەتا بابسالاریێ دە ب مەشت. گەرەك ئەم مێزە بكەین و گەر زارو تونەبا ژن دا مەزنترین داهێنەر و ڤەكولەر و نڤیسكار بن، ژبەركو خوەدیكرنا زارویەكی خوەدیكرنا جڤاكەكی یە و بەلكو جیهانەكێ یە، گاڤا ئەم دبێژن ئافرێنەرە ژن واتە پر واتایا خوە هەیە، ژبلی نەهـ هەیڤ یێن دزكێ وێ دە خوەدیكرنا وی هەیاكو مەزن ژی ببە و فام بكە. ئەڤ هەموو لسەر ملێن ژنێ یە ئانكو دایكێ، گاڤا كەچ شوو دكە دزەوجە مالباتا زلامی و زلام بخوە زارویان ژێ دخوازە بێ كو فكرا وێ یان ژیانا وێ و ئازادیا وێ ب فكرە، دیسان بریار بریارا زلامانە ژبوو ئافراندنا زارویەكی، لێ گاڤا زارو هات هەبوونێ، ئێدی تەنێ ئەركێ باڤێ یە ژ زارویێ خوەرە خەبەر بدەت و بێژە زارویێ منە و نەیێ تو كەسەكی یە، ئەڤ هەموو ژی دژی مافێن مروڤاتیێ یە و كەد و زەحمەتا ژنێ نە و ل بەرچاڤ نایێ وەرگرتن، دیسان تشتەك لاشێ ژنێ كرێت بكەت نە خوەدایە و نە دینە و نە دیروكە، بەلكو زارویە تشتەك دن نینە، دایكینی جورەكە ژ كولەتیێ، كولەتیا ژنێ ژبوو زارویێ وێ دڤی جڤاكی دە مەزنترە ژ یا بەندەیەكی بوو ئاغا و بەگێ وی، تشتەك مینا زاروی دایكێ ناگوهەریت ژ بوو ئالاڤەك نە جوان و لاواز، لەوان ژی پێتریا ژنا پشتی زارویێ وان ژ دایك دبیت یەكەم تشت بیر لێ دكە" ئەشقە".
د رۆژناما كەڤرۆكا یا ئەلەكترونی ژمارە 2 دا بلاڤ بوویە.
ليست هناك تعليقات:
إرسال تعليق