عبدالرحمن بامەرنی
هەر كەسەكی ناڤەك پێخوشە پێ بهێتە گازیكرن و ئەو ناڤێ ئەز پێدهێمە ناسكرن و گازیكرن، ئەو ناڤە یێ بابێ من پێخوش و ڤیایی بەشەك ژ ناسكرنا من بو وی ڤەگەریت و رێزگرتن بو وی، من حەزا وی لپێش وی ناڤێ خوازیارێ خوە ئێخست، ئەڤێ هوین نوكە من پێ ناس دكەن.. چیروكێن ناڤی گەلەك هەنە و هەر ئێكی ژی دڤێت تایبەتمەندییا خوە هەبیت، كو بەلێ ئەو یێ هەی.. لپێشیا وێ، بابێ من یێ دوێ هەبو و تا بناڤێ وی من خو نە دا با نیاسین و من (ئەحمەدێ مەلای) پێڤە نەكربا، كەسێ ئەز ناس نە دكرم.. چیرۆكا من بو هەلبژارتنا ناڤێ منێ خوازیار گەلەكن و هەمی ژی ب زارۆكینیا من ڤە گرێداینە و ئەو ناڤن یێن من ئەڤ زاروكینیە دگەل دا مەزن كری.. دكانا حەجی عەبدولقدوسی خوشترین جهـ بوو، كو هەر شەڤ من خەون ب (فالكان) ڤە ددیتن و شەكروكێن وی یێن سور و زەر. ئاشێ (حەجی شەعبانی)، هەكو ل پایزان ژنان دەخل و دانێ خوە موخل و بێژنك دكر.. چ جاران بیرێن رەحمەتی (هادیێ گوندورا) ژبیرا من ناچیت، هەكو ل كەرێ سپی سیار، دبەر دەروكێ مالا مە را ب سەر دكەت و خورچكێن وی تژی گوندور. (فەخری بامەرنی) هەر دەم حەژ مەتەلوكان دكر و گەلەك ژ دەمێ خوە ل سەر مەزاری لدەف (قوپێ) دبوراند و تا نوكە ژی ئەز نزانم ئەوی چ دگەل خوە دا دگوت، بتنێ هەر دەم بەرچاڤكێن وی یێن رەش، جهێ سەرنجا من بوون.. كورسیكێن (یاسینێ حەلاق) باش لبیرا منن، نزانم چاوان پێپكێن وان دزراڤ بوون و هەكو كورسیكەكا بچویك ددانا بن مروڤی و پرچا سەرێ زاروكان دقوساند. رەحمەتا خودێ ل گیانێ تە بن (سەیدا مریەم) هەر تشتێ ئەز ژبیر بكەم ژی، جارەكێ ئەز قەنجیا تە و دەرسێن تە یێن قورئانێ ژبیر ناكەم.. چەند جهێ كەیفێ بوو دەما فیتیێن جحێلا و دەنگێ دەست قوتانێ ژ چایخانا (سەعیدێ سموی) دهات، هەمیا دزانی (سەمیرا تەوفیق) یا هاتیە سەر تەلەفزیونێ و یا سترانان دبێژیت..
كێكێن دكانا (ئەحمەدێ لەیلایێ) گەلەك كەیفا من پێ دهات. خوزیێن سەرەدانێن تە (ئەحمەدێ دكتور و محەمەدێ دكتور)، هێشتا ئێشانا ددانێ من ژبیرا من ناچیت، نزانم ئەو سەرەدانا من یا چەندێ بو ئەز دهاتمە خەستێ! بیرێن گهیشكا ل مناسبێ وەرگێرێ، یان هنارێن سەیدایێ سەعید یان مساسكێن دكانا حەجی جەمیلی لبنێ گوندی یان دەم ئەم دچوینە سەرێ زەیتینكا بەراهیا گارانێ و ل چایخانا محەمەد ئەمینێ مە چایەك ڤەدخار و مە بەرێخوددا تەلەفزیونێ یان ژی دەما عەبدوللای ل نیڤا سیكێ گازی دكر وەرنە كاڤرا و خەلك لدوور شتیێن وی دزڤرین، باش لبیرا منە دەما مامێ سەعدوللا دەستێ زولیەخایێ دگرت و دچوونە كەڤروكا یان گەرا هەسن و (جانا من تو رەوشەنی) دبەر عودێ را دگوت و مە بدزیكیڤە گوهداریا وی دكر یان دوعایێن (حەجی محەمەدێ توڤیا) ل عەیدا نەبیا و مە كەچكێن خوە دبرن و مە خارنێن خوە رێزدكرن و رەحمەت لتە بن، هەكو مە هەمیا ددویڤ وی را دگوت ئامین.. بیرهاتنێن قوتابخانێ، هەكو سەیدایێ عەدنان دگوت: (چاوان زاروك ژ دایك دبن و مروڤ دگوهێ وان دا بانگ ددەت، دڤێت دگوهێن زاروكێن خوە دا بانگ بدەین كو كوردستان یا چار پارچەكریە). خوشترین روژێن سالێ هاتنا نەوروزێ بوون، سێ روژا بەری و سێیان پشتی وێ، مە داوەت بڤێ هەلكەفتێ دكرن.. تا نوكە ژی تشتێ هێزێ ددەتە من، كو وەك نڤیسەر بمینم، ئەو بیرهاتن و ئەو ناڤن یێن تە بوو من هێلاین،،،، بامەرنا من.
كێكێن دكانا (ئەحمەدێ لەیلایێ) گەلەك كەیفا من پێ دهات. خوزیێن سەرەدانێن تە (ئەحمەدێ دكتور و محەمەدێ دكتور)، هێشتا ئێشانا ددانێ من ژبیرا من ناچیت، نزانم ئەو سەرەدانا من یا چەندێ بو ئەز دهاتمە خەستێ! بیرێن گهیشكا ل مناسبێ وەرگێرێ، یان هنارێن سەیدایێ سەعید یان مساسكێن دكانا حەجی جەمیلی لبنێ گوندی یان دەم ئەم دچوینە سەرێ زەیتینكا بەراهیا گارانێ و ل چایخانا محەمەد ئەمینێ مە چایەك ڤەدخار و مە بەرێخوددا تەلەفزیونێ یان ژی دەما عەبدوللای ل نیڤا سیكێ گازی دكر وەرنە كاڤرا و خەلك لدوور شتیێن وی دزڤرین، باش لبیرا منە دەما مامێ سەعدوللا دەستێ زولیەخایێ دگرت و دچوونە كەڤروكا یان گەرا هەسن و (جانا من تو رەوشەنی) دبەر عودێ را دگوت و مە بدزیكیڤە گوهداریا وی دكر یان دوعایێن (حەجی محەمەدێ توڤیا) ل عەیدا نەبیا و مە كەچكێن خوە دبرن و مە خارنێن خوە رێزدكرن و رەحمەت لتە بن، هەكو مە هەمیا ددویڤ وی را دگوت ئامین.. بیرهاتنێن قوتابخانێ، هەكو سەیدایێ عەدنان دگوت: (چاوان زاروك ژ دایك دبن و مروڤ دگوهێ وان دا بانگ ددەت، دڤێت دگوهێن زاروكێن خوە دا بانگ بدەین كو كوردستان یا چار پارچەكریە). خوشترین روژێن سالێ هاتنا نەوروزێ بوون، سێ روژا بەری و سێیان پشتی وێ، مە داوەت بڤێ هەلكەفتێ دكرن.. تا نوكە ژی تشتێ هێزێ ددەتە من، كو وەك نڤیسەر بمینم، ئەو بیرهاتن و ئەو ناڤن یێن تە بوو من هێلاین،،،، بامەرنا من.
الئ رحمة الله..منشوراتك رائعة وجميلة وانا سعيد بك وافتخر بانني منك وانت مني..شكرا ابن العم
ردحذف