ژیوار محەمەد عەلی
دەنگدان ئەو كریارەیە یا كو دەستهەڵاتا دگوهریت و بڕیارێن سیاسی پەسەند دكەت و كورسیكێن پەڕلەمان و ئەنجومەن و دەستهەڵاتێ پڕ دكەت. تاكە رێیا دیموكراتییە بۆ دانان و گوهرینا پوستێن حوكمرانیێ. مە وەك مللەتێ كورد د هەلبژارتنێن پەڕلەمانێ عیراقێ دا گرنگیەكا مەزن یا هەی و گرنگی یا وێ د ڤێ گوتارێدا دێ ژبۆ خاندەڤانێن هێژا دەینە دیاركرن.
وەك یا دیار دهەمی قوناغێن حوكمڕانیا عیراقێ دا، دژاتیەكا مەزن دگەل مللەتێ مە هاتیە كرن، د سەردەمێن كەڤندا ب شوڕەش و داستانا مە مافێن خۆ د پاراستن بەلێ بشتی شەرێ ئازادیا عیراقێ و حەتا نوكە مە نوێنەر د حكومەت و پەرلەمانێ عیراقێدا هەبووینە ژبۆ بەرگریكرنێ ژ مافێن مڵلەتێ كورد، هەرچەندە دڤان قوناغێن دیماهیكێ دا هەر زورداریەكا مەزن دهاتە كرن سەرەرای هەبونا پەرلەمانتارێن كورد یێن زیرەك و خودان شیان و ئێكرێزیا لایەنێن سیاسی یێن كوردی ل بەغدا، بەلێ ژبەر بێدادیا دەستهەلاتا عیراقێ و كێمیا رێژا كوردا د دەستهەڵاتێ و پەرلەمانی دا، بریار دهاتنە بجهكرن بێی رازەمەندیا كوردا. وەك ئەم دبینین ئەڤێ دژاتیێ گەلەك ئارمانج هەنە ژ وانژی نەمانا ناڤێ هەرێمێ و شكەستنا سیاسەتا كوردی و نەهێلانا باوەریێ دناڤبەرا حزبێن سیاسی یێن كوردی و جەماوەرێ كوردستانێ دا و خرابكرنا بوارێ ژیارا خەلكێ هەرێمێ ژ هەمی لایەكیڤە و گەلەك ئارمانجێن دی. بەلێ ئەم كورد دشێین بەرسڤا ڤێ چەندێ بدەین ب بەشداریەكا مەزن د هەلبژراتنێن داهاتیدا و دەنگێ خۆ بدەینە لیستێن كوردی و وان كەسێن كورد یێن مە باوەری ب شیانێن وان هەبن ژبۆ بەرگریكرنێ ژ مافێن كوردا نە لسەر بنەمایێ عەشیرەتگەری و مرۆڤایەتیێ.
وەك دهێتە زانین هەلبژارتنێن پەرلەمانێ عیراقێ لسەر شێوێ بازنەیی دهێنە كرن، ئانكو هەر پارێزگەهەكێ ژمارەكا دەستنیشانكری یا كورسیكان هەیە، ئەڤجا دا پێكڤە كورسیكێن باژێرێ خۆ ب كەسانێن ژ هەژی تژی بكەین. پێچەوانەی ڤێ چەندێ بەشدارینەكرن د هەلبژارتناندا تاوانە مرۆڤ بەرامبەر خۆ و مڵلەتێ خۆ دكەت، چونكی ئەگەر هەمی مافێن مرۆڤی یێن تاكە كەسی بهێنە پێشێلكرن ئەڤ مافە بلا بدەستێن مە بخۆ نەهێتە پێشێلكرن و ئەگەر مە ئەڤ جارە بەشداری نەكر مە دویڤدا مافێ گازندێ ژی نینە دیسان بلا ئەم بخو بكەینە دەرفەتەك بۆ گوهرینێ و بلا رێكێ نەدەین كەسێن نە ژهەژی لسەر وان كورسیكا رینن و بلا بۆ حكومەتا عیراقێ و هەمی پێكهاتێن وێ دیاركەین كو كورد دەستا ژ مافێن خو بەرنادەن، چ جارا ئاریشێن نافخۆیی هەرێمێ نابنە ئەگەرێ ڤەقەتیانا جەماوەرێ كوردستانێ ژ بزاڤا سیاسی یا كوردی و دڤێت ڕێژەیەكا مەزنا بەشداریێ توماركەین چونكێ ڕێژەیا بەژداریێ دێ ڕێژەیا هەبوونا مە دوپاتكە.
بلا كەس نەبێژیت مە بەری نوكە خەلەتیا كری كو مە ئەف دەسهەلاتە دانای و ئەم بەشداریێ ناكەین چونكی بەشدارینەكرن مەزنترین خەلەتیە و دنگدان سەر بنەمایێ عەشیرەتگەری و مرۆڤاینیێ خەلەتیا دویڤدایە، ئەم پێتڤی كەسانێن زیرەكین نوێنەراتیا مە بكەن ل بەغدا و ئەم پێتڤی ئێكرێزیا لایەنێن سیاسی یێن كوردین د پەرلەمان و حكومەتا عیراقێدا.
ليست هناك تعليقات:
إرسال تعليق