پارێزەر/ ژێهات قادر سعید
ل دەستپێكێ ئەگەر ئەم پێناسەكێ بدەینە یاسایێ یاسا (یاسا پێكدهێت ژ كومەكا یاسا و رێسایا بو رێڤەبرنا ژیانا تاكە كەسا دكەمەڵگەهێ دا بشێوەیەكێ رێكخستی و ئەڤ یاسایە دهێتە جێبەجێكرن لسەر كومەلگەهێ و هاتیە دانان ژلایێ دەستهەلاتا یاسا دانانێڤە.
گرنگیا یاسایێ:
یاسایێ گرنگیەكا مەزن هەیە دناڤ هەر كومەلگەهەكێ دا پشتی یاسا هاتیە دانان ژیانا كومەڵگەهێ ب شێوەكێ جان و رێك و پێك برێڤە چوو و ژین و ژیارا خەلكی بەرەف پێشڤەچوونێ چوو، ئەگەر ئەم سەحكەینێ بەری دانانا یاسایێ گەلەك زولم و نەدادپەروەری د ناڤ كومەڵگەهێ دا هەبوو ژلایێ سەروك هوزانڤە، هەر كەسێ بهێز با مافێ كەسێ بێ هێز دخار، گەلەك زوری ل مافێن وان هاتنە كرن. بەلێ پشتی یاسا هاتی و یاسا هاتیە دانان هەمی كەس وەك هەڤ بوون بەرامبەری یاسایێ بێ جوداهی، لەوما پێتڤیە ل سەر هەر تاكە كەسەكی دكومەلگەهێ دا یاسایێ بكەتە سەروەر و هەركەسەك بزانیت مافێ وی چیە و مافێ یێ بەرامبەری وی چیە، ل وی دەمی دێ مە كومەڵگەهەكا خوش و خوشگوزەران هەبیت.
ئەگەر ئەم سەحكەینە هەر مللەتەكێ پێشكەفتی ئەگەرێ سەرەكی د پێشكەفتنا وان سەروەرییا یاسایێ یە لەورا ل سەر مەژی پێتڤیە ئەم هەمی یاسایێ ل بەرسینگێ خۆ بینین، ئەگەر ئەز خەلەتیێ بكەم یاسایەك هەیە دێ هێمە سزادان هوسا ئەم خەلەتیێ ناكەین و دێ پێشكەڤین و ئەگەرێ سەقامگێری و ئارامیا وەڵاتی یاسایە چونكە یاسایە رێكخستنێ دئێختە هەر كارەكیدا.
دكومەلگەهێدا تاكە كەس سەرەردەریێ دگەل یەك دكەن، ئەگەر یاسا نەبیت دێ سەرەدەرییا مە یا خەلەت بیت گەلەك كەس دێ مافێ یێ بەرامبەری خو بەرزەكەت و ل وی دەمی دێ ژیانا مە د مەترسیێ دا بیت، بەلێ یاسایێ هندەك سنور دیار كرینە بومە و ئەم ل دویف دچین، داكو مافێ كەسێ نەهێتە بەرزەكرن و ژین و ژییارا كومەلگەهێ خوش و ئارام و دادپەروەر بیت لەورا پێدڤیە لسەر مە، ئەم رێزێ ل یاسایێ بگرین ئەگەر مە ئازادییا راستەقینە بڤێت ئازادییا ل وی جهی یێ یاسا سەروەر بیت ئەگەر مە بڤێت رێگرییێ ل گەندەڵ و گەندەلكاریێ بگرین و ئازادی و ژیانەكا بەختەوەر بەینە سەر، دڤێت ئەم هەمی و هەر كەس لجهێ خو رێزێ ل یاسایێ بگرین و یاسایێ بكەینە سەروەر و كەس ژ یاسایێ بەرزتر نەبیت، ل وی دەمی ئارامی و سەقامگێری و دادپەروەری و ئازادی هەمی دێ دكومەلگەها مەدا پەیدا بن دێ بینە خودان ژیانەكا باش و خوش دكومەلگەهێدا.
ليست هناك تعليقات:
إرسال تعليق