نەجلا محەمەد سەلیم سەعید
بابەتەكێ گرنگ و بەرچاڤە دناڤا جڤاكی دا كو پێدڤیە گرنگی پێ بهیتە دان، ژلایێ چاڤدێر و نڤیسەرانڤە و كاربكەن بۆ بەلاڤكرنا رەوشەنبیریەكا ساخلەم ل دەڤ خەلكێ مە، چاوانیا هزركرنەكا ساخلەم دەربارەی سیایەتێ و لایەنێن دی، ئەگەر ئەم بەرێ خۆ بدەینێ تاكین جڤاكێ مە تا ئاستەكێ بلند گەلەك ماییتێكرنێ دسیاسەتێ دا دكەن، لسەر دئاخڤن كو ئەڤەژی رەنگڤەدانەكا نەرێنی دروست دكەت ل دەڤ وان، ب تایبەت ئەڤ رەوشا نها یا هەرێمێ تێدا دبوریت خەلكێ مە تا ئاستەكێ بلند مژویلی وان لڤینانە یێن دهێنە كرن و گوتن؟ كو ئەڤە دبیتە ئەگەرێ هندێ پتر ئالۆزی دروست ببن لناڤاجڤاكی دا هەتا دگەهیتە هندێ كارتێكرنەكا خراب دكەتە سەر بارێ دەرونێ یێ وان، كو پتریا جاران تاكە كەسێ بەرەڤ حالەتێن نالەبار و خراب دبەت، كو دگەهیتە حالەتێ خۆكوشتنێ یان ئالۆزبوونا هزرێن وی كەسی ب كاروبارێن سیاسێڤە.
ئەڤ چەندە ژی وەل تاكە كەسی دكەت، ژیانا وی یا رۆژانە گرێدان ب ژیانەكا پری و ئالوزی و ئارێشین بەردەوام یێن هزری و خراب بوونا بارێ دەرونی كو د هەمان دەمدا چ دەسهەلات نینن بۆ بەشداریكرنێ یان گوهۆرینێ، یا دیار د ڤی دەمیدا ئەگەر سەحكەینێ ل جها، پێشكەفتنا تەكنولوجیایێ، بگرە ژ تۆرێن جڤاكی و كەنالێن تەلەفزیۆنی ئەگەرەكێ مەزنە بۆ ڤەگوهاستنا دەنگوباس و رەوشا سیاسی برەنگەكێ بلەز و ئێكسەر بۆ سەر خەلكی، ڤێجا چ ئەڤ ڤەگوهاستنە یا راست و دروست بیت یان بۆ مەرەمێن تایبەت بیت كارتێكرنا خو دێ هەر هەبیت.
*رۆلێ ریكلامێ دڤێ بابەتی دا: ریكلام وەكو رۆلێ خو ژ ئەگەرێن هەر گرنگە دڤی بابەتی دا، ئەو بۆ بەلاڤكرنێن ریكلام پێ رادبیت چ راست بیت یان درەو خەلك تا رادەكێ باوەر ژێ دكەن، ریكلام دشێت وە ل تاكێن جڤاكی بكەت كو باش هزر بكەن و د هەمان دەمدا دشێت وەل وان بكەت كو خراب هزربكەن، بەلێ یا دیار ئەو (ئەنترۆپۆلۆژییا) یا دیار دناڤ دەزگەهێن ریكلامێدا ژ ئەگەرێ بەژەوەندیێن خۆیی و حزبی هندەك جاران ژ ئەگەرێ ترسێ وەدكەت پێزانین و دەنگوباس ب شێوەكێ راست و دروست نەهێنە دان، ئەڤە ژی دبیتە ئەگەرێ هندێ كو ژبلی گرێدانا خەلكی بڤی بابەتیڤە ئێدی گومان دەست پێدكەت ژ راستی و دروستیا وی تشتێ دهێتە گوتن، ئەڤە ژی وە ل تاكە كەسان دكەت كو باوەری نەمینیت نە ب ریكلامێ و نە بە سیستەمێ حكومی و نە ب وەلاتی هەر وەسا سەروەریا یاسایێ و هەر تشتە كی گرێدای دەسهەلات و وەلاتی ڤەبن.
*چارەسەری ؟؟* ریكلام پیتڤیە چ بكەت؟ ریكلام پێدڤیە بەرێ هەر تشتەكێ هزرا جڤاكی بكەت بەری بەلاڤكرنا وانا تشتان، هەۆل ددەت پێداچوونەكێ پی بكەت ب شێوەیەكێ راست و دروست دەنگوباسان ڤەگوهێزیت كو دیربیت ژ بەرژەوندییا تایبەت، هەولدەت بۆ چارەسەر كرن و ریككەفتنێ ل سەر وی ئەنتروبولوژیایێ یا دناڤبەرا واندا هەیە.
*خەلك دڤێت چ بكەت؟ بەری هەر تشتەكی دڤێت خەلك یێ كاریگەر نەبیت ب وان تشتێن دهێنە گوتن و بەلاڤكرن ل هەر جهەكی و باوەرنەكرن بشێوەكی تەمام. هەر وەسا دڤێت تاكێ مە دویر كەڤیت ژ وان سایت و كەنالێن تەلەفزیونی كو هەڤركی بۆ سەر ئیكودوو تێدابیت و هەروەسا ل دەمێ بەلاڤكرن و ڤەگوهاستنا دەنگ و باسا هەولدەت بخۆ دویڤچوونێ بكەت، دا كو راستی و دروستیا بابەتی بزانیت.
ليست هناك تعليقات:
إرسال تعليق