چەندا خوشە وەك ببینی
هەر دەمی هەر فەسل و حینی
بهارە لێ كەسك و شینی
دگەل تو بامەرنێ ببینی
بامەرنێ لێ شەش محەلن
ب چیمەن و بیستان و گولن
هەر دەما چاڤ روهن زلن
ب سەیر و كەیف و خوشی دلن
دگەل تو بامەرنێ ببینی
سەیر و كەیف وان تێدا زورن
ل كەیف و سەیرانا نابورن
لناڤ كولیلكێن سپی و سورن
پیرەمێر تێدا بسپورن
دگەل تو بامەرنێ ببینی
هەمی سەیران خوشینە
چیمەنا رەنگ سور و شینە
گولێت دناڤدا ئالوزینە
دێ وەرە دناڤدا بروینە
دا تو بامەرنێ ببینی
دگەل تو رونشتی نا رابی
چونكی هەر دێ لناڤ گولا بی
لڤێ دنێ دێ بێ بەلا بی
دل خوشی هەر یێ چاوا بی
دگەل تو بامەرنێ ببینی
وەرە دا بچینە ڤی گوندی
بفكرە ل سەر زیرێ بلندی
راست بێژە بێ فێل و فندی
دێ بێژی خوزیا مەزن دی
دگەل تو بامەرنێ ببینی
كانی سێ لێ دهێنە خارێ
ئەڤ گیایێ گرتی خیسارێ
هەر دەما فەسلێ بهارێ
هاڤینێ ل هەیڤا ئادارێ
دگەل تو بامەرنێ ببینی
مەكتەب لناڤ گوندێ ژێری
ئەو (قەشیلو) چیا دێری
وەرە تو پێش ڤی باژێری
ل جامع و مزگەفتا بنێری
دگەل تو بامەرنێ ببینی
محەلا ژوری گەلی بو
هەر بهارا تێدا نوی بو
هەر دەما كەیف خوشی بو
ئاڤ و فێقی لناڤ تژی بو
دگەل تو بامەرنێ ببینی
گویزێت جندی لبنێ مەتینی
دگەل تو ئێڤاری برینی
قەهرا دێ ژ دلی هلینی
ڤی دەمی ڤی فەسل و حینی
دگەل تو بامەرنێ ببینی
دبندا كەڤروكێت میرونە
تێكدا ئەو كانی ئەو جونە
سەیران مە لوێرێ هەرونە
سەیرانی قەول بیست و دونە
دگەل تو بامەرنێ ببینی
دبندا ملكەتا نەجیبا
وەرنە پێش كەیفا عەجیبا
فێقی د ئاڤا تەزی با
ملكەت و فێقیێ وەلیبا
دگەل تو بامەرنێ ببینی
جهێ تاهای و غلامی
خەلكی خو شوشتی ژ حەرامی
چای و فێقی دگەل تەعامی
ماقیل و فەقیر و عامی
دگەل تو بامەرنێ ببینی
وەرە تو خارێ مەزاری
چاڤ بدە تو ئەسلێ واری
دگەل چایێت وەختێ ئێڤاری
دل خوشی تو چەندێ ژاری
دگەل تو بامەرنێ ببینی
نێرگز و هەلز تژینە
ئەڤ مەزار كەیف و خوشینە
جێ ڤان مریا ل مە ژینە
باكێ وێ چەند سار و هینە
دگەل تو بامەرنێ ببینی
ل نیڤا مەزاری مەزارە
چار برەخ لدورا دیوارە
جێ وەلیا یێ دیارە
گولا بخوناڤ و خویسارە
دگەل تو بامەرنێ ببینی
ل رەخ مەزاری سەروكانی
من هەبون ملكەت و خانی
نعمەت دایمە خودانی
ئەمانەت كەیف و ژیانی
دگەل تو بامەرنێ ببینی
سەروكانی چەندا خوش بو
شەڤ و روژ هەر تێدا روژ بو
ئاڤا وێ تەزی و بوش بو
ئینسانێ لوێرێ بەشوش بو
دگەل تو بامەرنێ ببینی
بن گویزا حەودا گولانە
هەمی هەیڤ لوێرێ نیسانە
مەسكەنێ جهێ شێخانە
دبەختێ مندا خانە دانە
دگەل تو بامەرنێ ببینی
هەمی كولیلك و كانینە
مەسكەنێ مەزنێت جهینە
كولیلك ل حەودێ ئالوزینە
دەمەكی دناڤدا روینە
دگەل تو بامەرنێ ببینی
قەسر و تەكیا دگەل دكانا
ڤان مریدا خانە دانا
قەدرێ شێخی چاوا زانا
كەفتنە رەقس و دیلانا
دگەل تو بامەرنێ ببینی
دل دزكریدا رەقاس بو
ئێش و ئەلەم لێ خلاس بو
ل زكری دل نێ ل كراس بو
لناڤ مریدا خوش ئاواز بو
دگەل تو بامەرنێ ببینی
دە وەرن ل تەكیایێ بروینن
هوین دلی ژ دنیایێ بمرینن
مەرتبا بلند پێ ببینن
دلی ب زكری باش ب كەلینن
دگەل تو بامەرنێ ببینی
مرنە خوشیا مریدا
ڤان مریدا ڤان عەگیدا
كەفتنە سەیران و عیدا
ڤان دلا رەونەقا نویدا
دگەل تو بامەرنێ ببینی
ڤێكدەن ب علمێ ئەساسی
هاتنە بەر لبس و كراسی
سیبەرا وی تانج و تاسی
تو ژ ئێشا خو یێ خلاسی
دگەل تو بامەرنێ ببینی
ئەی خودێ عەبدێ هیڤی بو
ڤی شێخی قەدرێ نەبی بو
شێخ بهائەلدین وەلی بو
نورها وی ل مەسعودی بو
دگەل تو بامەرنێ ببینی
ليست هناك تعليقات:
إرسال تعليق